Ապրիլյան դեպքերը քննող հանձնաժողովից ստացվել են ոչ պարզորոշ պատասխաններ. հայտարարություն

Սերժ Սարգսյանի գրասենյակը հայտարարություն է տարածել, համաձայն որի՝ առաջիայում կհայտնի իր դիրքորոշումը ապրիլիյան ռազմական գործողությունների հանգամանքները ուսումնասիրող հատուկ քննիչ հանձնաժողովից դստացված գրության մասին:

«ՀՀ երրորդ նախագահի գրասենյակը 2016 թ. ապրիլին ծավալված ռազմական գործողությունների հանգամանքները ուսումնասիրելու նպատակով ստեղծված հատուկ քննիչ հանձնաժողովից այսօր ստացել է պատասխան գրություն, որտեղ հանձնաժողովը ոչ պարզորոշ պատասխաններ է ներկայացրել գրասենյակի կողմից բարձրացված հարցերի վերաբերյալ:

Այն զեկուցվել է նախագահ Սարգսյանին»,-նշված է հայտարարությունում:

Ավելի վաղ ՀՀ երրորդ նախագահի գրասենյակը պաշտոնական գրություն էր ուղարկվել ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանին՝ ի պատասխան ապրիլի 6-ին ՀՀ երրորդ նախագահ Սերժ Սարգսյանին հղված գրության:

Գրության մեջ նշվում էր, որ չնայած ՀՀ երրորդ նախագահը որևէ օրենքով չի կրում պարտականություն հանձնաժողովի լսումներին ներկայանալու, այդ թվում` «Ազգային ժողովի կանոնակարգ» ՀՀ սահմանադրական օրենքով, այդուհանդերձ, նախագահ Սերժ Սարգսյանը ո՛չ հանձնաժողովում և ո՛չ էլ որևէ այլ ձևաչափով խնդիր չունի մանրամասներ ներկայացնելու Ադրբեջանի կողմից 2016թ. սանձազերծված ապրիլյան ռազմական ագրեսիայի մասին:

«Թեև տարակուսելի է, որ համավարակի հետևանքով ստեղծված իրավիճակում ԱԺ հանձնաժողովը որոշել է նիստ անցկացնել, այնուամենայնիվ,  ՀՀ կառավարության կողմից արտակարգ դրության ժամկետի երկարաձգման որոշում կայացնելու դեպքում անգամ  ՀՀ երրորդ նախագահը պատրաստ է ս.թ. ապրիլի 16-ին, ժամը 14:00-ին այցելել հանձնաժողով», - ասված է ՀՀ երրորդ նախագահի գրասենյակի՝ ավելի վաղ տարածած հայտարարությունում: