Հայտնի ֆիզիկոս Միշիկ Ղազարյանը Ռուսաստանում կորոնավիրուսի կասկածով հոսպիտալացվել է
Հայազգի ֆիզիկոս Միշիկ Ղազարյանը Կոմունարկայի ինֆեկցիոն հիվանդանոցում է։ Նրա մոտ կորոնավիրուս է կասկածվում։ Այդ մասին kp.ru-ին հայտնել է Լեբեդևի անվան ֆիզիկայի ինստիտուտի աշխատակից Ելենա Լյուբչենկոն։
Ինչպես հաղորդվում է, վերջին անգամ Միշիկ Ղազարյանը ինստիտուտ աշխատանքի է գնացել մարտի 16-ին, ինքնազգացողությունը լավ է եղել։
«Մի քանի օր անց նրա ջերմությունը բարձրացել է և ինքնազգացողությունը վատացել։ Այդ ընթացքում նա ինստիտուտի աշխատակիցների հետ չի շփվել»,- ասել է Լյուբչենկոն։
Ավելի վաղ տեղեկություններ էին տարածվել, որ Ղազարյանի հետ հոսպիտալացվել է նաև նրա կինը՝ պրոֆեսոր Արփիկ Հասրաթյանը, որն ուրբաթ երեկոյան մահացել է։
