Ռուսաստանը սահմանափակում է ավիահաղորդակցությունն Իրանի հետ
Ռուսաստանը փետրվարի 28-ից կսահմանափակի ավիահաղորդակցությունն Իրանի հետ կորոնավիրուսի բռնկման պատճառով: Ինչպես հայտնում է ТАСС գործակալությունը՝ հղում անելով ՌԴ տրանսպորտի նախարարությանը, կանոնավոր չվերթներ երկու երկրների միջև կկատարեն միայն «Աէրոֆլոտ» ու իրանական Mahan Air ավիաընկերությունները:
Ներկա պահին ռուսական ավիաընկերություններից Իրան չվերթներ իրականացնում է միայն «Աէրոֆլոտը», որն օրական մեկ թռիչք է կատարում:
«Կեսգիշերից ժամանակավոր արգելք է սահմանվում ՌԴ-ի տարածքից Իրանի Իսլամական Հանրապետություն և հակառակ ուղղություններով իրականացվող կանոնավոր և չարթերային չվերթների համար: Արգելքը չի տարածվում «Աէրոֆլոտ» և Mahan Air ավիաընկերությունների վրա: Մոսկվայից Իրան մեկնելու են միայն «Շերեմետևո» օդանավակայանի F տերմինալից»,- ասվում է հաղորդագրության մեջ:
