Չորրորդ զորամիավորումում անցկացվել են երկօրյա հավաքներ
Չորրորդ զորամիավորման ենթակայությամբ գործող զորամասերից մեկում փետրվարի 25-ին և 26-ին անցկացվել են երկօրյա հավաքներ:
Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, հավաքների ընթացքում զինծառայողներին ներկայացվել են հաստիքային ծանր զինատեսակների մարտավարական-տեխնիկական բնութագրերը, մարտական հնարավորությունները:
Ցուցումներ են տրվել կցագրված զինատեսակների սպասարկման և կիրառման ժամանակ հնարավոր խափանումների շտկման ուղղությամբ:
