«Դեղին բաճկոններ» շարժման ցույցը բախումներով է ուղեկցվել
«Դեղին բաճկոններ» շարժման մասնակիցները շաբաթ օրը ցույցեր են անցկացրել Փարիզում, Նանտում, Մարսելում և Բորդոյում: Ինչպես փոխանցում է ТАСС գործակալությունը՝ հղում անելով ֆրանսիական ռադիոկայանին՝ 56-րդ շաբաթօրյա բողոքի ցույցերին, ընդհանուր առմամբ, 6000 մարդ է մասնակցել:
Ավելի քան 1000 ցուցարար երթով անցել են Փարիզի փողոցներով՝ ֆինանսների նախարարության շենքի մոտից քայլելով դեպի մայրաքաղաքի հարավային մասը: Երթն ուղեկցվել է որոշակի բախումներով և անկարգություններով: Ոստիկանությունն արցունքաբեր գազ է կիրառել:
