Ու՞ր է իմ նորածինը. առողջապահության նախարարության մոտ ցույց է, պահանջում են փակել «Հանրապետական ծննդատունը»

Այս պահին մի խում կանայք ՀՀ առողջապահության նախարարության դիմաց բողոքի ակցիա են իրականացնում: Նրանք պահանջում են դադարեցնել «Հանրապետական ծննդատան» գործունեությունը: Ակցիայի կազմակերպիչը սեպտեմբերի 24 ին անհայտացած նորածնի մայր՝ Հայկուհի Խաչատրյանն է, նրան են միացել նաեւ մի քանի մայրեր, որոնք էլ տարբեր տարիների նմանատիպ խնդիրներ են ունեցել նույն ծննդատանը:

Բողոքի մասնակից մայրերից Շողիկ Միքայելյանը ՀԺ-ի հետ զրույցում հայտնեց, որ 21 տարի է պայքարում է, որպեսզի բացահայտի, թե նույն ծննդատանն ինչ է եղել իր երեխայի հետ: Դեպքը տեղի է ունեցել 1998 թվականին, երեպխան ծնվել է խնդիրներ չի ունեցել, երկորդ օրը նրա ամուսինը տեսել է երեխային, իսկ հաջորդ օրն ասել են, որ երեխան մահացել է: Շողիկ Միքայելյանը վստահեցնում է, որ երեխան չէր կարող մահացած լինել: Նա իր երեխայի դին այդպես էլ չի տեսել: 

Այստեղ հավաքավածները անհայտ պատճառներով ծննդատնաը կորցրել են իրենց երեխաներին:

Հայկուհի Խաչատրյանը մեր զրույցում հայտնեց, որ ցույցն անում են համապատասխան 500 դիմում բողոքների հիմման վրա, որոնք բոլորը նույն ծննդատան զոհ մայրեր են:

Նախարարության դիմաց հավաքված կանայք պաստառներով են, Հայկուհի Խաչատրյանի ձեռքին «Արդարություն եմ որոնում, ու՞ր է իմ նորածին Հայկը» պաստառն է: Այժմ նրանք պատրաստվում են մտնել առողջապահության նախարար Արսեն Թորոսյանի մոտ, որպեսզի վերջինս միջնորդի այդ հարցի լուծմանը: