Ցեղասպանության բանձևը արգելափակած ամերիակցի սենատորը Թուրքիայի դեմ պատժամիջողների փաթեթ է պատրաստում

Հանրապետական սենատոր Լինդսի Գրեհեմը, ով նոյեմբերի 13-ին վետո էր դրել Սենատում Հայոց ցեղասպանությունը ճանաչող բանաձևի քննարկման վրա, Թուրքիայի դեմ պատժամիջոցների փաթեթ է նախապատրաստում: Այդ մասին հայտարարել է Գրեհեմը՝ տեղեկացնելով, որ նոր փաթեթը լինելու է հոկտեմբերի 29-ին Ներկայացուցիչների պալատում ընդունված պատժամիջոցների փաթեթի նորացված տարբերակը, հայտնում է RegionMonitor-ը:

Գրեհեմը հայտնել է, որ պատրաստվում են պատժամիջոցների օրինագիծը Սենատի օրակարգ բերել հաջորդ շաբաթ:

Հաղորդվում է, որ Գրեհեմի և դեմոկրատ սենատոր Վան Հոլլենի պատրաստած օրինագծի մեջ պատժամիջոցներ են նախատեսվում Թուրքիայի բարձրաստիճան պաշտոնյաների ունեցվածքի ու թուրք-ամերիկյան ռազմական համագործակցության ոլորտներում:

Հիշեցնենք, որ ԱՄՆ-ի Կոնգրեսի Ներկայացուցիչների պալատը հոկտեմբերի 29-ին 2 առանձին բանաձև էր ընդունել,  դրանցից առաջինով ճանաչել էր Հայոց ցեղասպանությունը, իսկ երկրորդով պատժամիջոցներ նախատեսել Թուրքիայի նկատմամբ:

Սենատում Հայոց Ցեղասպանության մասին բանաձեւի վրա վետո դնելուց հետո Գրեհամը լրատվամիջոցներին պարզաբանել էր, որ այդպես է վարվել միայն Սպիտակ տան ներկայացուցիչների խնդրանքով եւ որոշել է վետո կիրառել միայն մեկ անգամ ու պահել է խոստումը, քանի որ երբ երկրորդ անգամ էր բանաձեւը բերվել սենատ, Գրեհեմը վետո չկիրառեց, բայց փոխարենը դա արեց մեկ այլ սենատոր, որին եւս խնդրել էին Սպիտակ տնից: