Սիրիական և ռուսական օդուժի հարվածներից 15 խաղաղ բնակիչ է զոհվել
Սիրիայի հյուսիսարևմտյան մասում գտնվող Իդլիբ նահանգում առնվազն 15 խաղաղ բնակիչ է զոհվել սիրիական և ռուսական օդուժի հարվածից: Այդ մասին հայտնել է Մարդու իրավունքների սիրիական դիտարանը։
Հայտնի է, որ 13 մարդ զոհվել է Թուրքիային սահմանակից Մաարեթ-է-Նուման քաղաքում շուկայի գնդակոծումից: Եվս 18 մարդ վիրավորվել է, նրանց մեծ մասի վիճակը ծանր է:
Մեկական մարդ էլ մահացել է Սարաքեբի շրջանում՝ Իդլիբի հարավարևելյան մասում և Մաարեթ-ան-Նուման գավառական քաղաքի մերձակայքում գտնվող Աս-Սարման գյուղում:
Կազմակերպության նախագահ Ռամի Աբդել-Ռահմանը հավելել է, որ ռուսական ինքնաթիռները գնդակոծել են նաև Իդլիբից հարավ գտնվող Քֆար Սիջնա գյուղը:
