«Հայաստանի ավտոմոբիլային ճանապարհների տնօրինություն» ՊՈԱԿ-ը  տեղեկացնում է, որ նոյեեմբերի 30-ին՝ ժամը 9:30-ի դրությամբ, Արթիկի, Աշոցքի,Ապարանի, Արագածի տարածաշրջանների ավտոճանապարհներին ձյուն է տեղում, իսկ Թալինի, Մարալիկի և Ախուրյանի տարածաշրջաններում անձրև: Ճանապարհաշինարարներն ավտոճանապարհներին կատարում են մաքրման և աղով, ավազով մշակման աշխատանքներ:

ՀՀ միջպետական և հանրապետական նշանակության բոլոր ավտոճանապարհները բաց են:

Վթարներից, պատահարներից և խցանումներից խուսափելու նպատակով «Հայաստանի ավտոմոբիլային ճանապարհների տնօրինություն» ՊՈԱԿ-ը վարորդներին խորհուրդ է տալիս երթևեկել  բացառապես ձմեռային անվադողերով:

Վրաստանի տարածաշրջանային զարգացման և ենթակառուցվածքների նախարարության ճանապարհային դեպարտամենտից տեղեկացնում են, որ նոյեմբերի 30-ին՝ ժամը 9:45-ի դրությամբ,  Մցխեթա-Ստեփանծմինդա- Վերին Լարս ավտոճանապարհին ձյուն է տեղում: Ավտոճանապարհը  բաց է բոլոր տեսակի տրանսպորտային միջոցների համար։