Մետրոյի կայարանում ոչ սթափ վիճակում գտնվող տղամարդը դանակահարել է ոստիկանին
Մոսկվայի «Սավելովսկայա» մետրոյի կայարանում հարբած տղամարդը դանակահարել է տարածքում ծառայություն իրականացնող ոստիկանին: Ինչպես հայտնում են իրավապահ մարմինները, հարուցվել է քրեական գործ:
Դեպքը տեղի է ունեցել այն ժամանակ, երբ ոստիկանը նկատել է մի քանի անձանց միջև ծագած վիճաբանությունը և փորձել առանձնացնել: Այդ ժամանակ է ոչ սթափ վիճակում գտնվող տղամարդը դիտավորյալ կրծքավանդակի շրջանում դանակով հարվածել է ոստիկանին:
Ոստիկանության ծառայողը տեղափոխվել է հիվանդանոց:
