Թերեզա Մեյը պաշտոնապես լքել է Մեծ Բրիտանիայի վարչապետի պաշտոնը

Թերեզա Մեյը պաշտոնապես լքել է Մեծ Բրիտանիայի և Հյուսիսային Իռլանդիայի Միացյալ Թագավորության վարչապետի պաշտոնը՝ Եղիսաբեթ 2-րդ թագուհու հետ հանդիպումից հետո:

Sky News հեռուստաալիքը հայտնում է, որ Մեյը հրաժեշտի ելույթից անմիջապես հետո գնացել է հանդիպման՝ թագուհու հետ: Ըստ բրիտանական ավանդույթի՝ իշխանության փոխանցումը այնտեղ կատարվում է շատ կարճ ժամանակում: Միացյալ Թագավորությունը մոտ մեկ ժամ է մնում առանց վարչապետի: Մեյից անմիջապես հետո նորընտիր վարչապետ Բորիս Ջոնսոնը եւս հանդիպել է թագուհու հետ:

Եղիսաբեթ 2-րդը նրան հանձնարարել է կառավարություն ձևավորել, որից հետո Ջոնսոնը պաշտոնապես ստանձնել է վարչապետի պաշտոնը: