Հայրենական մեծ պատերազմի վետերանների պատվովճարները 50.000 դրամից կդառնա 100.000 դրամ

Այսօր կառավարության նիստում որոշում կայացվեց ավելացնել Հայրենական մեծ պատերազմի վետերանների պատվովճարի չափը։

Աշխատանքի եւ սոցիալական հարցերի նախարար Զարուհի Բաթոյանն ասաց, որ առաջարկում են պատվովճարի չափը սահմանել 100 հազար դրամ: Նշենք, որ այս պահին պատվովճարի համար հատկացվող գումարը անձի կտրվածքով 50 հազար դրամ է։

Փոխվարչապետ Տիգրան Ավինյանը ողջունելի համարեց նախաձեռնությունը եւ հետաքրքրվեց, թե քանի՞ վետերանի մասին է խոսքը, ի պատասխան Բաթոյանն ասաց, որ խոսքը 397 վետերանի մասին է։