Խաչատուրյան քույրերի խափանման միջոցը կրկին երկարաձգվել է
Մոսկվայի Բասմանյան դատարանը այսօր քննիչների միջնորդությամբ մեկ ամսով երկարաձգել է հոր սպանության մեջ մեղադրվող Խաչատուրյան քույրերի նկատմամբ ընտրված խափանման միջոցի կիրառման ժամկետը: Քրիստինան, Անգելինան և Մարիան ևս մեկ ամիս՝ մինչև հուլիսի 28-ը, կալանքի տակ կլինեն՝ զրկված լինելով որոշակի գործողությունների իրավունքից:
Նախապես դատարանը երկարաձգել է «որոշակի գործողությունների արգելքի» տեսքով խափանման միջոցի կիրառումը կրտսեր քրոջ՝ Մարիայի նկատմամբ, ապա նաև մյուս քույրերի համար: Քույրերին արգելված է տնից դուրս գալ երեկոյան ժամը 19.00-ից մինչև առավոտվա 07.00-ն, ինչպես նաև շփվել օտար մարդկանց հետ:
