Խոշոր ավտովթար Արագածոտնի մարզում. զոհ կա
Այսօր՝ մայիսի 8-ին, խոշոր ու ողբերգական ավտովթար է տեղի ունեցել Արագածոտնի մարզում: Ժամը 16:20-ի սահմաններում Երևան-Գյումրի ավտոճանապարհի 61-րդ կմ հատվածում բախվել են Թալին քաղաքի բնակիչ, 53-ամյա Վահան Մխիթարյանի վարած ГАЗ 24-10 մակնիշի 11 ՍՍ 947 համարանիշի և Երևան քաղաքի Նոր Նորք վարչական շրջանի բնակիչ, 49-ամյա Արմեն Հարությունյանի վարած Mitsubishi մակնիշի 026 ԼՏ 62 համարանիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2410-ի վարորդ Վ. Մխիթարյանը «ծայրահեղ ծանր» ախտորոշմամբ տեղափոխվել է Թալինի բժշկական կենտրոն, որետղ գիտակցության չգալով՝ մահացել է: Ֆոտոլրագրողը հայտնում է, որ բախման հետևանքով 2 մեքենաները բախվել են նաև ճանապարհի թույլատրելի հատվածում կայանված վիճակում գտնվող ЗИЛ մակնիշի 35 GQ 115 համարանիշի ավտոմեքենային:
