Սամվել Բաբայանը դատի է տվել Արցախի ոստիկանությանը
ԼՂՀ ՊԲ նախկին հրամանատար Սամվել Բաբայանը դատի է տվել ոստիկանությանը՝ Արցախում իրեն հաշվառումից հանելու համար: Այս մասին լրագրողների հետ ճեպազրույցի ժամանակ ասել է Սամվել Բաբայանը։
«Գործը դատարանում է, մայիսի 23-ին Ստեփանակերտում տեղի կունենա դատ, տեսնենք՝ ի՞նչ պատասխան են տալու։ Մենք հանդիպում ենք քաղաքացիների հետ, պատրաստվում ենք ստորագրահավաքի», - ասել է Սամվել Բաբայանը։
Հարցին՝ հնարավոր համարո՞ւմ է, որ Արցախում տեղի ունենա իշխանափոխություն, Բաբայանն ասել է, որ դա պարզ կլինի ժողովրդի հետ հանդիպումներից հետո։
«Հանրահավաքներ կանենք, կխոսենք, հետո նոր կասենք։ Մարդկանց ասում են՝ եթե դուք ինչ-որ քայլ անեք, ապա ձեր գործը կկորցնեք, ես դա բնական եմ համարում, քանի որ այդ մարդիկ իրենց պաշտոնը ցանկանում են ատամներով պահել»,-ասել է Բաբայանը:
