ՏԵՍԱՆՅՈՒԹ. Կխնդրենք գործ հարուցել ԱԱԾ աշխատակիցների և Արթուր Վանեցյանի դեմ. Դանիել Իոաննիսյան
«Երբ ԱԱԾ–ն հերքման պահանջ է ուղարկում «Քաղաքացու որոշում» կուսակցության անդամ Գարեգին Միսկարյանին Վանեցյանի մասին ֆեյսբուքում գրառման համար, մենք հստակ տեսնում ենք թե՛ անձնական տվյալների պաշտպանության մասին օրենքի խախտում, թե՛ վարչական ռեսուրսի չարաշահում»,- այսօր ֆեյսբուքյան ուղիղ եթերում ասել է «Իրազեկ քաղաքացիների միավորում» ՀԿ–ի նախագահ Դանիել Իոաննիսյանը։
Նրա խոսքով՝ հիմա իրենց իրավախորհրդատուները քննարկում են, թե որքանով է այդ վարչական ռեսուրսի չարաշահումը հանդիսանում պաշտոնական դիրքի չարաշահում։
«Եթե գանք այն եզրահանգման, որ այնտեղ կա հանցակազմ, մենք Հատուկ քննչական ծառայությանը կխնդրենք գործ հարուցել ԱԱԾ այդ աշխատակիցների, և հնարավոր է՝ Արթուր Վանեցյանի դեմ, բայց դա դեռևս իրավաբանների քննարկման հարց է»,– ասել է Իոաննիսյանը։
