ԱԺ Պետական-իրավական հարցերի մշտական հանձնաժողովի նիստի ընթացքում քննարկվելու է «Հայաստանի Հանրապետության դատախազության 2018 թվականի գործունեության մասին» հաղորդումը: Հիմնական զեկուցողը ՀՀ գլխավոր դատախազ Արթուր Դավթյանն է: Հանձնաժողովի նիստի օրակարգում են նաև Կառավարության ներկայացրած Քրեական օրենսգրքում փոփոխություններ կատարելու մասին նախագծերը, որոնց հանձնաժողովը պետք է տա եզրակացություն: Հանձնաժողովը եզրակացություն է տալու նաև Կառավարության կառուցվածքին առնչվող օրենսդրական փոփոխության նախագծին (երկրորդ ընթերցում):