Զելենսկին խոստացել է հետևել Ջորջ Վաշինգթոնի պատգամին
Ուկրաինայի ընտրյալ նախագահ Վլադիմիր Զելենսկին հայտարարել է, որ մտադիր է աշխատել ԱՄՆ առաջին նախագահ Ջորջ Վաշինգտոնի պատգամի համեմատ։ Այս մասին հայտնում է РЕН.Тв-ն, մանրամասնելով, որ երեկ Ուկրաինայի ԿԸՀ-ն պաշտոնապես Զելենսկուն հայտարարեց Ուկրաինայի նախագահ։
Զելենսկին ասել է, որ իր նախագահ հռչակվելու օրվա հետ կապված որոշակի սիմվոլիկա կա, քանի որ 230 տարի առաջ այդ օրը տեղի է ունեցել ԱՄՆ առաջին նախագահ Ջորջ Վաշինգտոնի երդմնակալությունը։ «Ես ինձ չեմ համեմատում այդ գործչի հետ, քանի որ դեռ վաղ է, սակայն եթե դուք դեմ չեք, ես կմեջբերեմ նրա այն խոսքը, որով ԱՄՆ առաջին նախագահը կոչ էր անում աշխատել որպեսզի հոգում չհանգչի այն երկնային կայծը, որ կոչվում է խիղճ»,- ասել է Զելենսկին, խոստանալով աշխատել Վաշինգտոնի նման։
