Գագիկ Ծառուկյանին մանդատից զրկելու հարց մեր օրակարգում չկա․ Մակունց
"Դեռ չեմ հասցրել ծանոթանալ "ՔՈ"-ի հայտարարության հետ: Խմբակցությունում կքննարկենք , կտեսնենք ինչ դիրքորոշում կա",- 24news. am-ի հետ զրույցում հայտնել է "Իմ քայլը" խմբակցության ղեկավար Լիլիթ Մակունցը` հավելելով, որ այս պահին ԲՀԿ առաջնորդ Գագիկ Ծառուկյանին մանդատից զրկելու հարց իրենց օրակարգում չկա:
Հիշեցնենք, որ այսօր "ՔՈ"-ն դիմում էր հրապարակել, որով առաջարկում էր մանդատից զրկել Գագիկ Ծառուկյանին և վերջինիս դեմ քրգործ հարուցել:
"Իմ քայլը" խմբակցությունն իր հերթին այսօր փակ նիստ է ունենալու, ըստ Hraparak. am-ի, որի ընթացքում քննարկելու է ԲՀԿ-ական պատգամավոր Սերգեյ Բագրատյանի շուրջ առաջացած աղմկահարույց իրավիճակն, ինչպես նաև կուսակցության առաջնորդ Գագիկ Ծառուկյանին վերաբերող հայտարարությունը:
