Այսօր մամուլում լուր էր տարածվել, որ հակառակորդը կրակել է Տավուշի մարզի սահմանամերձ Բաղանիս գյուղի ճանապարհի ուղղությամբ։ Այդ կապակցությամբ AuroraNews-ը կապ է հաստատել ՊՆ մամուլի խոսնակ Արծրուն Հովհաննիսյանի հետ։ Նրա խոսքով` կրակոցները եղել են Բաղանիսի դիրքերի ուղղությամբ, սակայն զինծառայողների, ինչպես նաև բնակչության շրջանում որևէ վնաս չեն հասցրել։ Բաղանիսի համայնքապետ Նարեկ Սահակյանն էլ հայկական լրատվամիջոցներին ասել է, որ միջպետական ճանապարհի ուղղությամբ մոտ 40 րոպե կրակել են, տուժածներ չկան: Ճանապարհը կարկոցների ժամանակ ժամանակավորապես փակվել էր, այժմ ճանապարհը բաց է, իրավիճակը հանգիստ է: