Քիչ առաջ ավարտվել է «Իմ քայլը» խմբակցության փակ նիստը։ Խմբակցության ղեկավար Լիլիթ Մակունցը լրագրողների հետ զրույցում հայտնել է, որ հանդիպման օրակարգում մի քանի հարց է եղել։ Մակունցը նշել է նաև, որ քննարկվել է «Քաղաքացու որոշում» կուսակցության հայտարարությունը։ Խմբակցությունը որևէ դիրքորոշում չի ձևավորել, հնչել են տարբեր կարծիքներ»։ Նա ասել է, որ Արարատ Միրզոյանը ներկա է եղել քննարկմանը և քանի որ Գագիկ Ծառուկյանին պատգամավորական մանդատից զրկելու պահանջով ՔՈ-ն դիմել է ԱԺ նախագահին, ապա Արարատ Միրզոյանը լրացուցիչ հայտարարությամբ հանդես կգա։ Նրա խոսքով հպանցիկ անդրադարձ է եղել նաև ԲՀԿ-ական պատգամավոր Սերգեյ Բագրատյանի հետ կապված միջադեպին։ «Այս պահին մենք չենք համարում, որ դրանք ունեն քաղաքական ենթատեքստ։ Ժամանակը ցույց կտա, թե ինչ կա այդ ամենի ետևում՝ կա՞ ինչ-որ քաղաքական ենթատեքստ, թե ոչ»,- նշել է Մակունցը: