Հայտնի է, թե ով կփոխարինի Դավիթ Սանասարյանին ՊՎԾ պետի պաշտոնում
Պետական վերահսկողական ծառայության պետի պաշտոնում Դավիթ Սանասարյանին ժամանակավորապես կփոխարինի նրա տեղակալ Արգիշտի Քարամյանը։ Այս տեղեկությունը Sputnik Արմենիային հաստատեցին ՊՎԾ–ից` նշելով, որ այդ նշանակումը տեղի է ունեցել ՀՀ վարչապետի պաշտոնական գրության հիման վրա։
Ի դեպ, երեկ կառավարության նիստից հետո լրագրողների հետ զրույցում Արգիշտի Քարամյանը չէր բացառել, որ ինքը կփոխարինի Սանասարյանին։
«Բոլորիդ քաջ հայտնի է, որ ՊՎԾ–ն վարչապետի ենթակայության մարմին է։ Պարոն վարչապետը ոնց որոշի, այդպես էլ կլինի»,– ասել էր նա։
Հիշեցնենք, որ ՊՎԾ արդեն նախկին պետ Դավիթ Սանասարյանն իրեն առաջադրված մեղադրանքները չի ընդունում:
