ՊՎԾ ժամանակավոր պաշտոնակատար կարող է նշանակվել Քարամյանը

Դեռևս ես չեմ ՊՎԾ պետի ժամանակավոր պաշտոնակատարը: Չեմ բացառում, որ կլինեմ: Լրագրողների հետ զրույցում ասաց Պետական վերահսկողական ծառայության պետի տեղակալ Արգիշտի Քարամյանը: «Բոլորիդ քաջ հայտնի է, որ ՊՎԾ-ն վարչապետին առընթեր մարմին է, հետևաբար ինչպես վարչապետը որոշի, այդպես էլ կանենք»,-ասաց Քարամյանը: Դիտարկմանը, թե, ըստ օրենսդրության, այս դեպքում ՊՎԾ պետի ժամանակավոր պաշտոնակատար կարող է նշանակվել ավելի բարձր տարիք ունեցող տեղակալը, Քարամյանն ասաց, որ տեղյակ է օրենքի այդ դրույթին, սակայն եթե կա առաջարկ, օրենքն այդ պարագայում չի գործում: Հարցին՝ ճի՞շտ են տեղեկությունները, թե Դավիթ Սանասարյանի պաշտոնավարման ժամանակավոր կասեցումից հետո ՊՎԾ որոշ աշխատակիցներ աշխատանքից ազատվելու դիմումներ են ներկայացրել, Քարամյանն ասաց, որ չի տիրապետում նման տեղեկության։ «Իրավիճակը բավականին աշխատանքային է: Կան ծրագրեր, որոնք սկսվել են Սանասարյանի անմիջական մասնակցությամբ, հիմա դրանք ավարտին են մոտենում, ուսումնասիրություններ ենք արել ԵՊԲՀ-ում, արդեն ավարտին է մոտենում»,– ասաց նա: Հարցին՝ ՊՎԾ գնումների վերահսկողության վարչության նախկին պետ Սամվել Սամվել Ադյանի լիազորությունները դադարեցվելո՞ւ են, թե՞ ոչ, Քարամյանը պատասխանեց՝ եթե քրեական գործ կա, ծառայողական գործունեությունը կասեցվում է. տրամաբանական երևույթ է. «Մյուս կողմից չեմ բացառում, որ պարոն Ադյանն ինքը, ընդունելով այն հանգամանքը, որ չի կարողանում կատարել ծառայողական պարտականությունները, գուցե դիմում գրի»: