Նոր պայթյուն` Շրի Լանկայում

Շրի Լանկայի արևմուտքում նոր պայթյուն է որոտացել։ Այս մասին հայտնում է ՌԻԱ Նովոստին` հղում անելով News First պարբերականին։ Իրավապահները հայտնել են, որ պայթյունը գրանցել է այսօր առավոտյան Պուգոդա քաղաքում, որը գտնվում է երկրի փաստացի մայրաքաղաքից` Կոլոմբոյից, 37 կմ հեռավորության վրա։ Տուժածների մասին առայժմ տեղեկություն չկան։ Հիշեցնենք, որ Զատկի օրը, Շրի Լանկայի տարբեր հյուրանոցներում ու եկեղեցիներում 8 պայթյուն է որոտացել։ Եվս մեկ պայթյուն էլ գրանցվել է ապրիլի 22-ին Կոլոմբոյում (Շրի Լանկա) Սուրբ Անտոնիո եկեղեցու մոտ։ Ծայրահեղական խմբավորումներից ոչ մեկը տեղի ունեցածի համար պատասխանատվություն դեռ չի ստանձնել, սակայն արդեն հայտնի է, որ դա ծրագրված ահաբեկչություն էր։ Կառավարությունը կեսգիշերից արտակարգ դրություն է մտցրել երկրում։