Ուկրաինայի Ռադան օրենք է ընդունել "Կյանքի բոլոր ոլորտներում բացառապես ուկրաիներենի կիրառման մասին": Ուկրաինական խորհրդարանում որոշմանը կողմ է քվեարկել 278 պատգամավոր այն դեպքում, երբ անհրաժեշտ էր միայն 226 ձայն: Փաստաթուղթը դեռ պետք է ստորագրի երկրի նախագահը: Այն ուժի մեջ կմտնի ստորագրման պահից 2 ամիս անց: Օրենքով կարգավորվում է երկրի պետական լեզվի` ուկրաիներենի` երկրի ամբողջ տարածքում և բոլոր բնագավառներում կիրառումը: Բացառություն կլինեն միայն մասնավոր զրույցներն ու կրոնական արարողությունները: