Կառավարությունը խստացրեց շահումով խաղերը, ինտերնետ շահումով խաղերը, խաղատները, վիճակախաղերը և տոտալիզատորները գովազդելու համար սահմանափակումները

Կառավարության ասյօրվա նիստում որոշվեց ընդլայնել շահումով խաղերը, ինտերնետ շահումով խաղերը, խաղատները, վիճակախաղերը և տոտալիզատորները գովազդելու համար օրենսդրությամբ նախատեսված սահմանափակումները, ինչպես նաև սահմանափակումները խախտելու համար սահմանել տուգանք նվազագույն աշխատավարձի 1000-ապատիկի չափով։ Որոշման նախագիծը կառավարությանը ներկայացրեց ՀՀ ֆինանսների նախարար Ատոմ Ջանջուղազյանը: "Մենք մի անգամ առիթ ունեցել ենք կառավարության նիստի ընթացքում քննարկել այս հարցը: ԱԺ նիստի ժամանակ, ըստ էության, նախաձեռնությունը նույնությամբ ներկայացվել է, և առաջարկություներն էլ բովանդակային առումով համահունչ էին այն առաջարկություններին, որոնք մենք նախկինում էինք ներկայացրել",- ասել է Ջանջուղազյանը: Օրենսդրական խստացումները վերաբերում են հեռուստասեսութամբ, ռադիոյով, համացանցով շահումով խաղերը, ինտերնետ շահումով խաղերը, խաղատները, վիճակախաղերը և տոտալիզատորները գովազդելուն: Գովազդը արգելվում է իրականացնել մանկապատանեկան, կրթական, բժշկական, սոցիալական կայքերի միջոցով։ Ըստ որոշման՝ լրատվական կայքերի միջոցով վիճակախաղերի գովազդները կարող են իրականացվել 24:00-ից մինչև 06:00-ն ընկած ժամանակահատվածում: Նախագիծն ընդունվել է միաձայն: