Բանակում առկա է հանցավոր աշխարհից փոխառված հարաբերությունների կերպը. Փաշինյան
«Ցավոք, հարաբերությունների այնպիսի կերպը, որը փոխառված է հանցավոր աշխարհից, դեռ հանդիպում է մեր բանակում: Եվ դա մեր մեծագույն խնդիրներից մեկն է: Պատկերացնում եք՝ ծառայակիցները կարող են իրար հետ նստած հաց ուտել, եւ այդ ընդացքում սկսվի մի խոսակցություն, որն ավատրվի նրանով, որ մեկը վերցնի ավտոմատը եւ մյուսին գնդակահարի Սա ինքնին արդեն մի երեւույթ է, որն ինքնին վկայում է զինված ուժերում առկա խորը խնդիրների մասին»,- այս մասին այսօր՝ մարտի 29-ին ասել է վարչապետ Նիկոլ Փաշինյանն Ավստրիայում հայ համայնքի ներկայացուցիչների հետ հանդիպման ընթացքում:
Փաշինյանը հավելել է, որ բանակը մեր սրբությունն է, եւ դրա համար մենք պետք է սրբենք այդ մարմինը ոչ տեղին, եւ ոչ մաքուր երեւույթներից:
«Ինչի՞ց ենք վախենում, որ չենք խոսում: Մեր երեխաների հարաբերությունների մասին վախենո՞ւմ ենք խոսել»,- նշել է նա:
