Հրաժարականից առաջ Նազարբաևն անձամբ զանգահարել է Պուտինին

Նուրսուլթան Նազարբաևն անձամբ է զանգահարել Ռուսաստանի նախագահ Վլադիմիր Պուտինին նախքան Ղազախստանի նախագահի պաշտոնից հրաժարական տալը. հայտարարել է ՌԴ նախագահի մամլո քարտուղար Դմիտրի Պեսկովը: Այս մասին հայտնում է interfax.ru-ն: «Նրանք հաճախակի են հեռախոսով զրուցում, դա միշտ է այդպես եղել վերջին տարիներին: Եվ նա զանգահարել է հայտարարություն անելուց ժամեր առաջ», – ասել է Պեսկովը: ՌԴ նախագահի մամուլի խոսնակն ընդգծել է, որ Ռուսաստանի և Ղազախստանի միջև հարաբերությունները բարձր մակարդակով կշարունակվեն առաջիկայում. «Ղազախստանը Ռուսաստանի շատ կարևոր գործընկերն է, ուստի կասկած չկա, որ առաջիկայում էլ հարաբերությունները կծավալվեն բարձր մակարդակով»: