Նախագահ Արմեն Սարգսյանը ստորագրել է աջակողմյան ղեկով մեքենաների ներմուծման մասին օրենքը

Հանրապետության նախագահ Արմեն Սարգսյանը մարտի 15-ին ստորագրել է «Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքը: Այս մասին տեղեկանում ենք ՀՀ նախագահի պաշտոնական կայքից։ Օրենքով մինչև մայիսի 1-ը կթույլատրվի ներմուծել մինչև 2018 թվականի դեկտեմբերի 30-ը գնված մոտ 1000 աջ ղեկով մեքենա։