Մանվել Գրիգորյանի կալանքի հարցով դատական նիստը հետաձգվեց

Երևանի ընդհանուր իրավասության դատարանն այսօր հետաձգեց Մանվել Գրիգորյանին գրավով ազատ արձակելու միջնորդության քննությունը։ Այս մասին լրագրողներին հայտնեց Մանվել Գրիգորյանի պաշտպան Լևոն Բաղդասարյանըՙ հավելելով, որ դրա համար պատճառ է դարձել այն, որ քննիչը չի ներկայացել դատարան։ Նրա խոսքովՙ պաշտպանական կողմը միջնորդել էր Մանվել Գրիգորյանի նկատմամբ կիրառված խափանման միջոց կալանքը փոխարինել 20 մլն դրամ գրավով։ Նշենք, որ Գրիգորյանն այս պահին բուժում է ստանում քաղաքացիական հիվանդանոցում, որտեղ նրան առողջության վատացման հետևանքով տեղափոխել էին «Երևան-Կենտրոն» քրեակատարողական հիմնարկից։