Մենք հույս ունեինք, որ Ադրբեջանը կդադարեցնի ագրեսիվ հռետորաբանությունը․ Ռուբեն Ռուբինյան

«Եթե ուզում ենք իրապես արդյունավետ բանակցային գորընթաց, ուզում ենք խաղաղության շուրջ երկխոսություն, պետք է համապատասխան մթնոլորտ ստեղծվի»,-այս մասին այսօր Ազգային ժողովում ասել է ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը՝ արձագանքելով Ադրբեջանի նախագահ Ալիևի՝ օրերս հնչեցրած հայտարարությանը: Ռուբինյանը հավելել է, որ խաղաղության երկխոսության մթնոլորտն ապահովվում է միայն ագրեսիվ հռետորաբանության, ագրեսիվ գործողությունների բացառմամբ. «Հայկական կողմը երբեւէ աչքի չի ընկել ագրեսիվությամբ, մենք հույս ունեինք, որ Ադրբեջանը կդադարեցնի ագրեսիվ հռետորաբանությունը, բայց այս օրինակը, ցավոք, ցույց է տալիս, որ այդ հույսը չի արդարացել»: Հիշեցնենք, որ Ալիևն ասել էր հետևյալը. «Ես միշտ ասել եմ, որ ուժային գործոնն այսօր առաջին պլան է մղվում: Աշխարհի տարբեր մասերում կոպտորեն խախտվում է միջազգայինիրավունքը: Աշխարհում գերիշխում է «ով ուժեղ է, նա էլ ճիշտն է»սկզբունքը: Մենք արդեն երկար տարիներ հզորացնում ենք մերտնտեսական և ռազմական ուժը: Դա, կարծես, պատրաստ ենք ներկայիս իրավիճակին, այժմ պատրաստ ենք դրան»: