Քննչական բաժինը մերժել է Նարեկ Մալյանի նկատմամբ քրեական գործի հարուցումը

Մալաթիայի քննչական բաժինը մերժել է Զարուհի Մեջլումյանի հաղորդման հիման վրա Նարեկ Մալյանի վերաբերյալ նախապատրաստված նյութերով քրեական գործի հարուցումը։ Այդ մաիսն հայտնել է Մալյանի փաստաբան Տիգրան Աթանեսյանը՝ նշելով, որ մերժման որոշումը կայացվել է արարքում հանցակազմի բացակայության պատճառաբանությամբ: Դաժան սպանության համար դատապարտված Մհեր Ենոքյանի կինը՝ Զարուհի Մեջլումյանը, ոստիկանությանը հաղորդել էր հանցագործության մասին: Նա պնդում էր, որ Նարեկ Մալյանը պետք է պատասխանատվության ենթարկվի երեք հոդվածով. ինքնասպանության հակելը, անձնական տեղեկություններ հրապարակելը և հոգեկան ուժեղ տառապանք դիտավորությամբ պատճառելը: