16:00 Լուրերը մեկ տողով. Տարհանումներ, հրկիզումներ և վրեժի կոչեր. ինչ է կատարվում աշխարհում

Անցած ժամվա լուրերը՝ հակիրճ և բովանդակային.

•Հայաստանում առաջիկա օրերին սպասվում է առավելապես առանց տեղումների եղանակ, առանձին շրջաններում հնարավոր է կարճատև անձրև, ամպրոպ և քամու ուժգնացում։


•Թայվանին պատուհասած «Բավի» թայֆունի պատճառով տասնյակ մարդիկ են տուժել, իսկ վտանգավոր գոտիներից տարհանվել է ավելի քան 14 հազար բնակիչ։ 


•Ֆրանսիայում սաստիկ շոգի պատճառով ջրային տարածքներում խեղդվելու մեծաթիվ դեպքեր են գրանցվել, իսկ իշխանությունները միջոցներ են հատկացրել հիվանդանոցների օդորակման համար։ 


•Ֆրանսիայի հարավում մոլեգնող անտառային հրդեհների ֆոնին իրավապահները ավելի քան 30 մարդու են ձերբակալել դիտավորյալ հրկիզումներ կատարելու կասկածանքով։ 

•Իրանի գերագույն առաջնորդը հայտարարել է սպանված առաջնորդի և պատերազմների նահատակների արյան համար անպայման վրեժխնդիր լինելու մասին։ 


•Թուրքիան դիմել է Ռուսաստանին՝ ձեռք բերված Ս-400 համակարգերը այլ երկրի փոխանցելու թույլտվության խնդրանքով՝ ամերիկյան կործանիչների գնման արգելքը վերացնելու նպատակով։ 

•Մոլդովայի նախագահը երկրի վարչապետի թեկնածու է առաջադրել Ուկրաինայում բնակվող գործարար և բանկիր Վասիլի Տոֆանին։ 


•ՀՀ ՆԳՆ ոստիկանությունը քաղաքացիներին զգուշացնում է «Ճանապարհային Ոստիկանության» անունից ստացվող կեղծ հաղորդագրությունների և ֆինանսական խարդախությունների մասին։