14:00 Լուրերը մեկ տողով. Ծնողական նոր արտոնություն Հայաստանում, ահաբեկչության կանխում ԱՄՆ-ում

Անցած ժամվա լուրերը՝ հակիրճ և բովանդակային.

•Հայաստանում ուժի մեջ է մտել «ծնողական ժամ» կարգավորումը, որը թույլ է տալիս աշխատող ծնողներին աշխատավարձի պահպանմամբ բացակայել երեխայի խնամքի համար։

•ԱՄՆ սենատորները կոչ են արել արգելափակել պաշտպանական օրինագիծը, քանի դեռ չեն կրճատվել Իսրայելին տրամադրվող ռազմական օգնության ծախսերը։

•Իսրայելը հայտարարել է Իրանի դեմ հնարավոր նոր գործողություններում ԱՄՆ-ին աջակցելու և համատեղ հարձակումներին միանալու պատրաստակամության մասին։

•Մոսկվան և Անկարան բանակցություններ են վարում Թուրքիայի կողմից ռուսական Էս-400 համակարգերը Պարսից ծոցի երկրներին հնարավոր վերավաճառքի շուրջ։

•ԱՄՆ Օհայո նահանգում ութ անձի մեղադրանք է առաջադրվել UFC մրցաշարի ժամանակ անօդաչու սարքերով և դիպուկահարներով ահաբեկչություն ծրագրելու համար։

•Ռուսաստանի Նովոսիբիրսկի մարզում բենզինի մատակարարման ճգնաժամի պատճառով հատուկ դրություն է հայտարարվել և գործատուներին հորդորել են անցնել հեռավար աշխատանքի։

•Ֆրանսիայում ծայրահեղ շոգի պատճառով Փարիզում հայտարարվել է եղանակային վտանգի կարմիր մակարդակ, իսկ երկրի ամենաերկար գետը՝ Լուարը, զգալիորեն ցամաքել է։

•Շիրակի մարզում պատասխանատու գերատեսչությունները միավորում են ջանքերը՝ հնարավոր անտառային հրդեհների կանխարգելման և արագ արձագանքման նպատակով։