Հայաստանի ծանրամարտի հավաքականն այսուհետ հանդես կգա նոր մրցումային հագուստով

Հայաստանի ծանրամարտի ազգային հավաքականն այսուհետ հանդես է գալու նոր ձևավորմամբ և ինքնատիպ մրցումային հագուստով։

Այս մասին տեղեկացնում է Հայաստանի ծանրամարտի ֆեդերացիան:

«Հայաստանի ծանրամարտի ֆեդերացիայի և հայկական արտադրության «Մելանտե» ընկերության համագործակցությունը շարունակվում է։

Ինչպես նախորդ տարի, այնպես էլ այս տարի մեր մարզիկների մրցումային մարզահագուստը կլինի հայկական արտադրության։

Նոր դիզայնով մրցումային հագուստն ունի հիմնական կապույտ գույն, Armenia գրառումը և Հայաստանի Հանրապետության զինանշանը։ Թիկունքի հատվածում կլինի ֆեդերացիայի տարբերանշանը»,- հայտնում են ֆեդերացիայից: