Վեհափառի հարազատների խափանման միջոցը փոխվել է

Ամենայն Հայոց Կաթողիկոսի եղբայրն ու եղբորորդին դատարանի որոշմամբ ազատվել են տնային կալանքից։

Դատավոր Գևորգ Մանուկյանի որոշմամբ Գևորգ և Համբարձում Ներսիսյանների նկատմամբ կիրառված տնային կալանքը փոխարինվել է վարչական հսկողությամբ։ Նրանց արգելվել է կապ հաստատել տվյալ վարույթում ներգրավված անձանց հետ, ինչպես նաև լքել Վաղարշապատի Ոսկեհատ համայնքի տարածքը։

Հիշեցնենք, որ Գարեգին Բ-ի հարազատները ձերբակալվել էին Վաղարշապատում՝ Կաթողիկոսի գահակալության տարեդարձի օրը։ Գործընթացի հիմքում «Հանրապետություն» կուսակցության համայնքապետի թեկնածու Հարություն Մկրտչյանի հաղորդումն է։ Ներսիսյանները մեղադրվում են քարոզչությանը խոչընդոտելու և խուլիգանություն կատարելու մեջ։