ՏԵՍԱՆՅՈՒԹ. Հրաձգություն Սպիտակ տան մոտ. կա վիրավոր

Հրաձգություն Սպիտակ տան մոտ. մեկ մարդ վիրավորվել է: Այս մասին X սոցիալական հարթակի իր էջում հայտնել է ԱՄՆ Գաղտնի ծառայության պաշտոնական ներկայացուցիչ Էնթոնի Գուլիելմին:

Նրա խոսքով` իրավապահ մարմինների աշխատակիցների կողմից հրազենի գործադրման արդյունքում մեկ անձ վիրավորում է ստացել։ Տուժածի առողջական վիճակի վերաբերյալ տվյալներն այս պահին անհայտ են։

Al Jazeera հեռուստաալիքի թղթակից Ալան Ֆիշերի փոխանցմամբ՝ տեղի ունեցած կրակոցների պատճառով Սպիտակ տան տարածքը փակվել է։ Ներկայումս իրականացվում են համապատասխան աշխատանքներ՝ միջադեպի հանգամանքներն ու դրդապատճառները պարզելու ուղղությամբ։