Պեսկովը խոսել է հակամարտության արագ կարգավորման հնարավորության մասին

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ուկրաինական հակամարտության լուծման հարցում արագ առաջընթաց կլինի, եթե կյանքի կոչվի տարածքային վեճի վերաբերյալ «Անքորիջի բանաձևը»։ Այս մասին նա նշել է լրագրող Պավել Զարուբինի հետ զրույցում։

Ըստ Reuters գործակալության՝ այս բանաձևը ենթադրում է Դոնբասի ամբողջ տարածքի անցումը Ռուսաստանի վերահսկողության տակ և այլ ուղղություններում ներկայիս առաջնագծի սառեցում։ Պեսկովի համոզմամբ՝ հենց այս պայմանների իրագործումը թույլ կտա ապահովել կարգավորման գործընթացի դինամիկ զարգացումը։