Եվրոպացի քաղաքական գործիչներն անկարող են դիմակայել Թրամփի կոշտ ոճին. Պեսկով
Եվրոպացի քաղաքական գործիչների ներկայիս սերունդը անկարող է արդյունավետորեն դիմադրել ԱՄՆ նախագահ Դոնալդ Թրամփի վճռական և կոշտ ոճին։ Այս մասին հայտնել է Ռուսաստանի մամուլի խոսնակ Դմիտրի Պեսկովը:
Նրա խոսքով՝ Թրամփի մոտեցումը մեծապես հիմնված է կոշտ, գործարար կառավարման սկզբունքների վրա, որոնց եվրոպացի առաջնորդները պատրաստ չեն եղել։
ՌԴ նախագահի մամուլի քարտուղարը Թրամփին բնութագրել է որպես քաղաքական գործիչ, որը հետևողականորեն պաշտպանում է իր երկրի շահերը և նախընտրում է միջազգային հարաբերություններում ճնշման ուժային մեթոդները։
Մեկնաբանելով ներկայիս միջազգային իրավիճակը՝ Պեսկովը նշել է, որ աշխարհը խորը վերափոխումների շրջան է ապրում։ Նա հավելել է, որ Թրամփի ոճը միշտ չէ, որ համապատասխանում է Ռուսաստանի բազմաբևեռ աշխարհակարգի տեսլականին, սակայն արտաքին ճնշմանը ենթարկվող պետությունները կշարունակեն բախվել նման գործելակերպի։
