Վրաստանը ուշադիր հետևում է հայ–ադրբեջանական հարաբերությունների ընթացքին․ ԱԳՆ
Վրաստանի արտաքին գործերի նախարար Մակա Բոճորիշվիլին հայտարարել է, որ Վրաստանը ողջունում է Ադրբեջանի և Հայաստանի միջև հարաբերությունների կարգավորման ընթացիկ դինամիկան։
Նրա խոսքերով՝ այս գործընթացը կարևոր նշանակություն ունի տարածաշրջանի խաղաղության, կայունության և զարգացման համար, ինչպես նաև կնպաստի տարածաշրջանի դերի ամրապնդմանը «Միջին միջանցքում»։
Բոճորիշվիլին նշել է, որ Վրաստանը ուշադիր հետևում է տարածաշրջանային զարգացումներին և շարունակում է սերտ կապ պահպանել ինչպես Ադրբեջանի, այնպես էլ Հայաստանի հետ։
