Արտասահմանում բնակվող Վրաստանի քաղաքացիներին կարգելեն քվեարկել ընտրություններում
Արտասահմանում բնակվող Վրաստանի քաղաքացիներին կարգելեն քվեարկել ընտրություններում: Այս մասին ճեպազրույցի ժամանակ հայտնել է Վրաստանի խորհրդարանի խոսնակ Շալվա Պապուաշվիլին:
«2024 թվականի խորհրդարանական ընտրությունները լավ ցույց տվեցին, թե որքան բաց և կոշտ կարող են լինել տեղեկատվական և քաղաքական ճնշումները արտասահմանից ընտրողների վրա։ Այս առումով ճնշումների ռիսկերը մեծանում են ոչ ռեզիդենտ քաղաքացիների վրա, այսինքն՝ արտերկրում բնակվող Վրաստանի քաղաքացիների նկատմամբ, որոնք քաղաքական ազդեցության տակ են գտնվում իրենց համար խորթ միջավայրում և իրավասությունում, որտեղ պետությունը չի կարող միջամտության կանխարգելում իրականացնել»,- ասել է նա։
