Լարված իրավիճակ ընտրատեղամասի մոտ․ քաղաքացին պոկել է թեկնածուի պաստառը, ոստիկանները՝ միջամտել են

Վաղարշապատի ընտրական տեղամասերից մեկի հարակից տարածքում գրանցվել է միջադեպ ոստիկանների մասնակցությամբ։ Քաղաքացին փորձել է հեռացնել թեկնածուներից մեկի պաստառը՝ նշելով, որ այն տեղադրված էր չնախատեսված վայրում, ինչի ընթացքում ոստիկանները միջամտել են, գրում է «Փաստինֆո»-ն։

«Ներկայացեք, ինչի էիք քաշում ձեռներիցս, ասում էիք՝ արի գնանք առանձին խոսանք, ասում եք՝ ինչի ես պոկում, ասում եմ՝ չնախատեսված տեղում է փակցված պաստառը»,-ասել է քաղաքացին։

Ոստիկանն էլ հարցրել է, թե արդյոք ինչ -որ անձի հետ է գործողությունը, քաղաքացին էլ դրական պատասխան է տվել։

Նշվում է, որ պաստառը իշխող ուժի թեկնածուինն էր։