Իրանը կբանակցի ԱՄՆ-ի հետ․ Թրամփը մանրամասներ է հայտնել
Ամերիկայի Միացյալ նահանգների նախագահ Դոնալդ Թրամփը հայտարարել է, որ Իրանը պատրաստ է բանակցել ԱՄՆ-ի հետ։ Այս մասին փոխանցում է «Ռիա նովոստի»-ն։
«Ի դեպ, Իրանը նույնպես ցանկանում է բանակցություններ վարել համաձայնագրի շուրջ», - ասել է Թրամփը։
Նրա խոսքով՝ միջուկային օբյեկտների վրա ԱՄՆ ռազմական հարձակումից հետո հանրապետությունը դարձել է բոլորովին այլ վայր։
Հավելենք՝ Թրամփը չի մանրամասնել, թե բանակցությունների ընթացքում ինչ թեմա կարող է քննարկվել, սակայն Իրանի արտաքին գործերի նախարար Աբբաս Արաղչին նախկինում հայտարարել էր, որ Թեհրանը կարծում է, որ հնարավոր է Վաշինգտոնի հետ միջուկային էներգիայի վերաբերյալ համաձայնության գալ անուղղակի երկխոսության միջոցով։
