Ուկրաինայի ողջ տարածքում հայտարարվել է օդային հարձակման տագնապ
Ուկրաինայի թվային վերափոխման նախարարության առցանց քարտեզի տվյալների համաձայն՝ Կիևում կրկին հայտարարվել է օդային հարձակման մասին տագնապ և տարածվել է նաև Ուկրաինայի մնացած մասում, փոխանցում է «Ռիա Նովոստի»-ն։
Ծառայության տվյալներով՝ ավիահարվածի ազդանշանը սկսել է միանալ Կիևում Մոսկվայի ժամանակով ժամը 4:50-ին, ապա տարածվել ամբողջ երկրով մեկ։
Հավելենք՝ Ռուսաստանի զինված ուժերը սկսել են հարվածել ուկրաինական ենթակառուցվածքներին 2022 թվականի հոկտեմբերի 10-ին՝ Ղրիմի կամրջի վրա ահաբեկչական հարձակումից երկու օր անց, որը, ըստ ռուսական իշխանությունների, իրականացվել է ուկրաինական հետախուզական ծառայությունների կողմից: Հարվածները, մասնավորապես, ուղղված են պաշտպանական արդյունաբերությանը, ռազմական հրամանատարությանը և կապի օբյեկտներին ամբողջ երկրում: Ռուսաստանի նախագահի մամուլի քարտուղար Դմիտրի Պեսկովը հայտարարել է, որ ռուսական զորքերը Ուկրաինայի զինված ուժերի հետ մարտերի ժամանակ չեն թիրախավորում բնակելի շենքերը կամ սոցիալական ենթակառուցվածքները:
