Եվրամիությունը բացառիկ մակրոֆինանսական օգնության է հատկացրել Ուկրաինային
Եվրոպական հանձնաժողովը 1 միլիարդ եվրո է հատկացրել Ուկրաինային G7 վարկային նախաձեռնության շրջանակներում
«Եվրոպական հանձնաժողովը Ուկրաինային հատկացրել է իր բացառիկ մակրոֆինանսական օգնության (ՄՖՕ) վարկի ութերորդ տրանշը՝ 1 միլիարդ եվրոյի չափով, որն էլ ավելի է ամրապնդում ԵՄ-ի դերը որպես Ուկրաինայի ամենամեծ դոնոր», - ասվում է ԵՄ հաղորդագրության մեջ։
Նախաձեռնության նպատակն է Ուկրաինային տրամադրել մոտ 45 միլիարդ եվրոյի ընդհանուր ֆինանսական աջակցություն, հիշեցրել է ԵՄ-ն։
Հաշվի առնելով վերջին վճարումը՝ 2025 թվականի սկզբից ի վեր ՄՖՕ-ի շրջանակներում Եվրոպական հանձնաժողովի կողմից Ուկրաինային տրամադրված աջակցության ընդհանուր գումարը հասել է 10 միլիարդ եվրոյի։
Կիևին ԵՄ-ի կողմից տրամադրվող օգնության ընդհանուր գումարը գերազանցել է 170 միլիարդ եվրոն։
