Ռուսաստանի ԱԳՆ-ը դեմ է պաղեստինցիների կոլեկտիվ պատժին․ Լավրով
Ռուսաստանը արծու է, որ 2023 թվականի հոկտեմբերին Իսրայելի դեմ ահաբեկչական հարձակման կազմակերպիչները պետք է պատժվեն, սակայն Մոսկվան դեմ է կոլեկտիվ պատժին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը, հաղորդում է «ՌԻԱ Նովոստի»-ն։
Լավրովը Ռուսաստանի դիրքորոշումը հայտնել է Հորդանանի արտաքին գործերի նախարար Այման ալ-Սաֆադիի հետ մամուլի ասուլիսում։
«Մենք ելնում ենք այն փաստից, որ այս ահաբեկչական հարձակման կազմակերպման և իրականացման մեղավորները պետք է պատժվեն ամենախիստ ձևով, սակայն մենք չենք կարող ընդունել բոլոր պաղեստինցիների կոլեկտիվ պատիժը», - ասել է նա։
Օգոստոսի 8-ին Իսրայելի անվտանգության կաբինետը հաստատել է վարչապետ Բենիամին Նեթանյահուի առաջարկած ծրագիրը՝ Գազայի հատվածի նկատմամբ Իսրայելի պաշտպանության ուժերի վերահսկողությունը հաստատելու վերաբերյալ։
2023 թվականի հոկտեմբերի 7-ին Իսրայելը ենթարկվել է Գազայի հատվածից զանգվածային հրթիռային հարձակման, և «Համաս» խմբավորման անդամները ներխուժել են սահմանային շրջաններ, որտեղ նրանք հարյուրավոր պատանդներ են վերցրել։
Ավելի վաղ մոտ մեկ միլիոն մարդ դուրս էր եկել Իսրայելում՝ բողոքի ցույցի՝ Գազայում պատերազմի ավարտի համար։
