Մինչ «Պուտինի խամաճիկ» մեղեդու կատարումը, նշեմ՝ Եվրամիությունը չպետք է հրահանգներ տա Ռուսաստանին և ԱՄՆ-ին․ Օրբան
Եվրամիությունը չպետք է հրահանգներ տա Ռուսաստանի և Միացյալ Նահանգների նախագահներին կամ պայմաններ սահմանի նրանց հանդիպման համար: Այս մասին հայտարարել է Հունգարիայի վարչապետ Վիկտոր Օրբանը՝ բացատրելով, թե ինչու չի միացել ԵՄ առաջնորդների ընդհանուր հայտարարությանը՝ Վլադիմիր Պուտինի և Դոնալդ Թրամփի միջև սպասվող բանակցությունների վերաբերյալ:
«Նախագահներ Թրամփի և Պուտինի պատմական գագաթնաժողովից ընդամենը չորս օր առաջ Եվրոպական խորհուրդը փորձել է հայտարարություն անել ԵՄ բոլոր պետությունների և կառավարությունների ղեկավարների անունից: Մինչ լիբերալ մեյնսթրիմ երգչախումբը կկատարի իրենց սիրելի «Պուտինի խամաճիկը» մեղեդու վերջին տարբերակը, ես որոշել եմ բացատրել, թե ինչու չեմ կարող աջակցել այս հայտարարությանը Հունգարիայի անունից»։
Նրանք փորձում են պայմաններ սահմանել այնպիսի հանդիպման համար, որին հրավիրված չեն ԵՄ առաջնորդները։ Երկրորդ, այն փաստը, որ ԵՄ-ն դուրս է մնացել, ինքնին բավականին տխուր է», - ասել է կառավարության ղեկավար։։
Վարչապետի խոսքով՝ ԵՄ-ի փորձերը «դրսից խորհուրդներ տալու» կարող են միայն բարդացնել իրավիճակը։
«ԵՄ առաջնորդների համար միակ ողջամիտ գործողությունը Ռուսաստան-ԵՄ գագաթնաժողով նախաձեռնելն է՝ հիմնվելով ԱՄՆ-Ռուսաստան հանդիպման օրինակի վրա։ Եկեք խաղաղությանը հնարավորություն տանք», - եզրափակել է Օրբանը։
