Տոկաևը՝ Ադրբեջանի և Հայաստանի միջև ստորագրված համաձայնագրի մասին

Ղազախստանի նախագահ Կասիմ-Ժոմարտ Տոկաևը պատմականորեն կարևոր է անվանել Ադրբեջանի և Հայաստանի միջև Վաշինգտոնում ստորագրված խաղաղության համաձայնագիրը, հաղորդում է Orda.kz-ն։

«Փաստաթուղթը վերջ դրեց երկարատև զինված հակամարտությանը և բացեց ճանապարհը դիվանագիտական հարաբերությունների հաստատման և երկարատև խաղաղության վրա հիմնված համագործակցության զարգացման համար»,- ասել է նա։

Ղազախստանի նախագահը նշել է, որ համաձայնագրի ստորագրումը հնարավոր դարձավ ԱՄՆ նախագահ Դոնալդ Թրամփի միջնորդական առաքելության շնորհիվ, որը համոզեց երկու երկրների ղեկավարներին ցուցաբերել քաղաքական կամք և ռազմավարական հեռատեսություն։ Տոկաևի խոսքով՝ Ղազախստանը նույնպես նպաստել է համաձայնագրերի կնքմանը՝ առաջարկելով Ալմաթան որպես խաղաղության պայմանագրի հիմնական պարամետրերի շուրջ արտգործնախարարների միջև բանակցությունների վայր։