Արցախում էթնիկ զտում իրականացնողները չեն կարող հայ ժողովրդի կամ Հայաստանի ընկեր հռչակվել. Շարմազանով
«Խոսելով Հայաստանի ու Ադրբեջանի մասին՝ ԱՄՆ նախագահ Թրամփն ասում է. «35 տարի է՝ իրենք կռվել են, իսկ հիմա ընկերներ են ու ընկերներ են լինելու երկար ժամանակ»։
«Պարոն նախագահ Թրամփ, Արցախում էթնիկ զտման հեղինակները երբեք Հայաստանի ու հայ ժողովրդի համար ընկերներ չեն կարող հռչակվել։ Հայաստանում միայն կապիտուլյացիայի ջատագովն ու Արցախ հանձնողը կարող է Ադրբեջանին ընկեր համարել։ Արցախի օկուպացիայից ու հայաթափումից հետո միայն քաղաքական անմեղսունակության կրողը կարող է Ադրբեջանի «ընկեր» հռչակվել։
Պարոն Թրամփ, Արցախում էթնիկ զտում իրականացնողները չեն կարող հայ ժողովրդի ու Հայաստանի ընկեր հռչակվել։ Երբ Ադրբեջանն է ցնծում ՝ հասկանալի է. նրանք առանց որևէ պարտավորության իրենց ուզածը ստանում են։ Բայց դուք՝ նիկոլականներ ու արևմտամոլներ, դուք ինչու՞ եք էդպես երջանիկ։ Որ ուրացա՞ք Եռաբլուրը, թե՞ որ թաղում եք Երրորդ Հանրապետությունը ու Հայաստանը դարձնում եք դրա խալխի համար միջանցք»,- գրել է ՀՀԿ Գործադիր մարմնի անդամ Էդուարդ Շարմազանով:
