Թուրքիայում խոշոր անտառային հրդեհներ են. զանգվածային տարհանումներ են

Թուրքիայում շարունակվում են անտառային հրդեհները, որոնք արդեն հասել են Անթալիայի հանգստավայր, ինչպես նաև Աքսու, Մուրադփաշա և Մանավգատ բնակավայրեր. հաղորդում է Hürriyet թերթը։

Անթալիայում գրանցվել է երկու առանձին հրդեհ: Հրդեհաշիջման համար օգտագործվում են հրշեջ ինքնաթիռներ և ուղղաթիռներ: Մուրադփաշա շրջանում իրականացվում են լայնածավալ ցամաքային և օդային գործողություններ՝ ահագնացող հրդեհը մարելու համար։

Քարաբյուք շրջանում տարհանվել են 14 գյուղերի բնակիչներ: Թուրքիայի արտակարգ իրավիճակների նախարարությունն աշխատում է ուժեղացված ռեժիմով՝ ձեռնարկելով բոլոր անհրաժեշտ միջոցները հրդեհները տեղայնացնելու և մարելու համար: